تَخاريف نُص مِيتر عَقلُه طَار (30) - و استعينوا بالصبر و الصلاة. :)

و لنا في السجود وطن .. آه و الله ..من الواضح ان أنا اللي مبركزش كوّيس .. ربنا سُبحانه و تعالي بيذكرنا و يقولنا 'و استعينوا بالصبر و الصلاة' .. مش الصبر أو الصلاة .. يعني الإثنين مع بعض .. مفيش واحدة فيهم هينفع تمشي من غير التانية .. يعني لازم تلتزم و تحافظ علي صلاتك و كمان تستعين بالصبر .. مينفعش تنتظم في الصلاة و متصبرش .. و مينفعش تصبر و متصليش :) أن تحتسب و تصبر حكماً و يقيناً علي الرزق .. انك تثق ويكون عندك يقين في حكمة الله من كل شيء و متستعجلش علي النتيجة أو الرزق .. محدش هياخد رزق حد .. كل شيء مقدر و مكتوب .. الصبر مش سهل بطبيعة الحال .. 'و إنها لكبيرة إلا علي الخاشعين' .. مش أي حد هيفهم ويقدر قيمة الصلاة والصبر إلا ناس معينة بيحبوا ربنا قوي و عندهم يقين و مسلمين أمرهم ليه تماماً .. و مكانش بقي فيه باب مخصوص للصابرين :) 

و اللي متعلمش الصبر هو صغير، أديه بيتعلمه مضطر أما كِبر .. الفكرة هو بيصبر و مسلم و مُحتسب و لا لا .. واحد فينا هياخد ثواب علي نية صبره و إحتسابه، و التاني زيه زيّ غيره اللي مصبرش .. النيّة بتغيّر كُل حاجة .. و الفعل بيغيّر كُل حاجة برضه .. الإثنين مينفعوش من غير بعض ..فيا رب أرزقنا السكينة و الصبر و الطمأنينة و الثبات و الإحتساب و إربُط علي قلوبنا. :)