تَخاريف نُص مِيتر عَقلُه طَار (34) - الله لا ينسانا (1). :)

و هييجي اليوم اللّي هتلاقي فيه نفسك اتمسحت من علي الخريطة .. متزعلش .. متتوجعش .. متتكسرش .. متفكرش في الموضوع .. ما هو انت اللي اخترت الطريق اللي وداك هناك. :)

أيوة، حتي صحابك و أهلك هينسوك في يوم من الأيام .. الدروب هتختلف رويداً رويداً .. قد تختلف الدروب و تبتعد عنهم بشكل تصعُب عليه بقاء العلاقات كما كانت عليه في سابق عهدها .. مُمكن جداً متشوفهمش تاني .. و أيوة هيجي يوم و هنقابل الخالق و هتُحاسب علي سعيك في دربك انت لوحدك خلال رحلتك القصيرة في الدُنيا .. قوّي علاقتك مع اللّي عُمره ما نسيك مهما نسيته .. اللّي مهما اختلفت الظروف و الناس، هوّ لسة موجود .. الشئ الوحيد المُسلم به الثابت في دُنيانا الفانية .. اللّه سُبحانه و تعالي .. ادعي و احكي و اشتكي له حتي لو بقلبك .. ربنا سُبحانه و تعالي هوّ الوحيد اللّي مُش هيمل من دعائنا و طلباتنا و اسئلتنا و حكاوينا و شكاوينا و مناجتنا لحد ما إحنا نمل .. فاكرنا و مش بينسانا مهما نسيناه .. ودود كريم رحيم عفوّ بجد. :)